急墜人生

你好,初次寫信俾你,希望能夠透過書信同你多加認識!

我先自我介紹一下自己先,我係因為販運危險藥物而被還押。我在懲教所已有一年半嘅時間,現在繼續還押在東頭懲教所。喺呢一年時間裏面,我經歷、面對咗好多嘢,由有後無,由當初唔敢面對自己爸爸直到上月先肯俾佢入來探我。係呢段日子我真係好似過山車咁大起大落,自從見番爸爸之後,我好似放低咗塊大石,但之後又收到一連串嘅壞訊息。女朋友嘅離開令到我心情由天堂立刻返回地獄,之後再由爸爸口中知道嫲嫲因意外令到雙腳行唔到,好多好多壞消息都喺短短一個月內收到。我好怪自己點解我咩都做唔到,好自責。如果我喺出面,我嫲嫲係咪唔會發生意外,如果我喺出面,女朋友係咪唔會離我而去。好多問題有時令到自己好迷惘。

我好細個嘅時候已經打工,由細到大都係由嫲嫲帶大我!所以當佢有事我真係好擔心,我爸媽喺我好細個(時)已經離婚,亦都因為毒品而出、入過監房,直到中學先叫見返多(啲)媽媽、爸爸。

喺呢段鐵窗生涯其實有時諗返起都係一件好事,可以用呢段時間去潔淨自己,去重啓自己,重新開始。當然宜家好想快點出去照顧我嫲嫲!

今日係父親節,先祝天下間所有父親節快樂。

先講返我少少背景先,我好細個就出來工作(part-time)維持自己嘅生活。因為由細到大都唔係由爸媽照顧我,直到我中學都係由親戚照顧下生活,去到中三就出來兼職工作。成年後就自己搬出來住,喺工作嘅地方認識到一位「古惑仔」。其後佢因某些原因去咗赤柱坐監。佢出來後搵我,問我有冇興趣想搵錢。因疫情問題,加上公司炒人,冇工作做。之後就應承佢,做第一日就俾人拉咗,本身做完一日就諗住唔再做,因為真係過唔到自己,好擔心,點知就衰咗。

呢筆收入後面,你又知唔知影響緊啲咩,好多家庭都因為有家庭成員服用毒品而令到自己婚姻、子女、住屋出現破碎。大家要行動前思前想後,去諗諗自己,親人及會影響你身邊所有事。

被還押第一個月,心情好難形容,第一個月每晚都諗好多嘢,每一晚都瞓唔着。仲天真到諗係咪仲有一年半年時間走(得)呢。但現實原來唔係,當場精神崩潰,真係冇諗過原來要坐咁多年。其實入來第一個月真係知道自己行錯,入來之後真係錯過好多嘢,亦都令好多人傷心,傷害自己之外,仲冇咗另一半,我失去咗好多好多。

今日睇新聞,都發現好多關於毒品的大大小小案件:吸食、販賣、藏有。其實,每樣都會對自身造成一定嘅害處。我會用我角度去對大家講吓以上嘅問題。

我生長喺一個毒品家庭,喺我仲係小學生嘅時候就親眼目睹屋企人吸食毒品。雖然我唔清楚係咩,但係細細個就知係一樣唔好嘅嘢。今年我30歲,總算知道毒品是什麼!

其實大家有冇諗過服食完對身體有咩好處?我自己思考咗10分鐘都諗唔到有咩任何得益及好處。毒品係一種由化學材料混合出來的物體或結晶品,你可以話係一種藥物,呢種藥物係唔會救到人,亦都唔會有醫病嘅作用。頭痛要食止痛藥,傷風都食傷風素,每隻藥都要對應相對嘅疾病,當然亦都要由醫生處方,先可以進食。大家有冇諗過「K仔」,「汽水」等等……又可以醫到咩病呢?或者大家又諗諗呢種所謂藥物可以用喺咩用途?

至於去唔合法地賣(販運)唔好以為無問題。其實問題仲分分鐘大過你自己吸食。在於法律層面而言,自己吸食或藏有同販賣/販運的定罪罰則真係天淵之別,係你意想唔到咁大。在於個人立場來講,冇錯,你可能會快搵到一筆好龐大嘅收入,但係呢筆收入後面,你又知唔知影響緊啲咩,好多家庭都因為有家庭成員服用毒品而令到自己婚姻、子女、住屋出現破碎。因為毒品要用龐大嘅金錢去滿足自己,甚至用奶粉錢、置業嘅首期去滿足自己,令到自己或親人有財困危機。子女亦都會去到青春期,就會跟着佢嘅父母「有樣學樣」。仲係15、16歲的年青人未能夠自給自足,所以佢會諗辦法得到金錢去購買毒品。例如:問屋企人借,問財務公司借,甚至嚴重到去搶去滿足自己嘅私慾。最後除咗令到自己之餘,仲會令到屋企人出現問題。同大家分享(一)個真實例子。我喺之前見過一位女士,她每日都會搵我,每次她都會推住架BB車來,但後來我再冇見過佢推住BB車來見我,你哋又自己諗吓嗰位媽媽真係能夠養大一個BB?講到這裏,希望大家明白「這樣東西」會令到好多問題發生,這件事係對人「百害而無一利」,大家要行動前思前想後,去諗諗自己,親人及會影響你身邊所有事。

《不需思 不需試 不需破 沒有錯》

希望大家去諗清楚。

 





築夢 • 夢碎

希望我講嘅嘢可以幫助到其他嘅人一齊做到禁毒呢個效果啦。

原先我係一個好普通嘅地盤工人,因為疫情關係令到我一家人都完全沒有工作,沒有收入!咁我就係從一啲朋友口中得知一啲所謂搵快錢嘅方式,就係一時嘅貪念再加沒有收入就開始行錯咗自己嘅路!令到自己後悔一生。雖然啲錢真係嚟得好快,但一切都唔值得!因為冇咗自由,傷害咗好多人!令到自己同屋企人難受。所以唔好因為一時貪念而行錯路,令自己失去更多! 閱讀全文 築夢 • 夢碎

一時享樂   一生後悔

大家好,我先自我介紹一下。我叫阿成,因為販運危險藥物罪被還押於懲教所裏。在還押這段日子裏,我很高興認識了胡頌恆神父,他在我需要幫助的時候幫助了我,亦都改變了我以前不良的生活方式,將我從壞變好。我亦都很感謝胡頌恆神父給我這次分享的機會,分享年輕不良的事情到現在被還押的事情,希望這能夠改變大家不良的生活方式,將大家從壞變好,不販毒及不吸毒。亦希望能改變現在年輕人的想法和心態。

閱讀全文 一時享樂   一生後悔

牢獄快遞

我是一名運毒已被海關拘捕的囚犯。被捕後幾個月一直陷於痛苦,後悔,內疚之中。我不知道應如何面對這些內心的責問。只知道近幾個月,我一直在擔心我的家庭。我很後悔自己選擇了一條錯誤的道路來賺錢。家父曾患上大腸癌,後來割除了一段腸道後康復,但一年多前又提及自己狀態越來越差,似乎又有大腸癌的症狀出現。又有一個拍拖五年,準備結婚的女友,她已經29歲,陪我經歷了很多的難關,在我窮苦時候陪着我捱,一個快餐兩個人吃。在我因工受傷時照顧我。所以我很想在她30歲前給她一個名份。

在父親似乎癌症復發,想給女友一個名分,結婚擺酒。無論治療癌症,或是結婚擺酒,都要大量的金錢。那時,聽聞Foodpanda送外賣一個月可賺三、四萬(元),我便買了一輛電單車,投身外賣行業。但發現並非如此,因自己腰有舊患,無法長時間開車送貨,一天只可工作10小時左右,但如果只工作10小時,便只可賺到一萬五、六千(元)左右一個月的薪金。 閱讀全文 牢獄快遞

毒品遊戲 不值一試

我的案情是在2019年疫情到2020年。因為停課,所以經常踢足球而認識了一個人。他和我經常外出,去飲酒、去行街、去踢足球。有天,他找我幫他租一間酒店房,當時我沒有多想就答應了,因為他未夠18歲,和我說和父母鬧交,所以要在外住幾天。租了酒店,在酒店大堂將旅行喼給我,要求我放在房間,之後離開,我將酒店房卡給了他。之後的事,我從警方的CCTV證據看到他和一名男子一起上到房間,手亦有拎住一個袋。 閱讀全文 毒品遊戲 不值一試

媽媽的淚   讓我心碎

從這封信我想同大家講千祈唔好因為一時衝動而去做一些犯法嘅事情。別因為一時貪心而迷失咗自我,走去搵快錢。

這個世上並沒有免費午餐,你總要為你所得到的付出同等代價。

犯法嘅誘因好大,例如販毒,毒販會用好多金錢去誘惑你做一些犯法事情,千萬不要存僥倖之心,以為會咁好運可以逃過一劫,我就是一個例子,以為可以輕鬆啲去搵快錢,到最後喪失前途,後悔莫及,我希望藉着自己嘅教訓,經驗能幫助和提醒其他人,不要從事任何販運毒品運動。 閱讀全文 媽媽的淚   讓我心碎

走錯路

大家好~今年就28歲。我係因為上年3月左右比人拉左,因為係車上有毒品,比警方控告販運危險藥物,到至今已經還押超過10個月,黎緊3月左右就會判刑。 

我好後悔當初誤入歧途,幸運既係屋企人對我不離不棄。而家每個星期都只可以見屋企人1~2次, 每次15分鐘. 我嫲嫲已經98歲, 因為佢行動不便, 所以我已經10個月無見過佢,只係可以從爸爸媽媽口中得知佢每天都提及我。 

我同佢感情非常好,因為是她老人家湊大我的,所以我真係好掛住佢,好掛住屋企人。好希望可以盡早出冊回家見屋企人。  閱讀全文 走錯路

毒品的無底深淵 – Part 2

胡神父,

你好,我係 XXX,昨天收到你的回信,今次我會詳細講我情況給你知,我今次是犯爆竊的控罪入來,現正還柙在XX監獄,我曾經幾次入獄,以往都是犯毒品、盜竊、爆竊等等事情,之前不停進出監獄。我有20年吸食冰毒的習慣,往往都是吸完毒犯事,在我未吸毒前是一名地產代理,那時我20多歲,經過幾年磨練,曾經是一名出色的地產代理,每年過百萬收入,但在事業高峰時,被損友影響,開始食冰,不但荒廢前途,更犯藏毒被判入獄,在30至40歲時間曾多次進監獄,已經是監獄常客,直至4年前我開始發覺人生是為什麼呢,很浪費人生有限時間,那次出獄透過善導會認識幾名更生人士,其中一位時常提及你,你讓他轉變很多,而且對他很更幫助,他介紹一位教友給我認識,帶我去教會聽道,不時出外做義工,幫一些弱小社群,向露宿者派飯、送口罩及生活物品,替獨居長者清潔家居等。

  閱讀全文 毒品的無底深淵 – Part 2

「查無此人」

我在11月27日2019年被海關人員在尖沙嘴中間道的尖沙嘴郵政局的門口被捕調查。

我被海關人員捉的原因是他們懷疑我在尖沙嘴中間道的郵政局裡簽收郵件包裏有毒品。

我簽收這個郵件包是一個香港的本地人叫我去簽收的,郵件包從法國寄來,還有一個郵件包是這個郵件包是美國寄來的。(重點郵件包不是我的身分證名字) 。

閱讀全文 「查無此人」

葵涌6青年酒店房販毒 警檢逾13萬元毒品

警方新界南機動部隊人員昨晚(17日)約6時於葵青區內進行反罪惡巡邏期間,於葵涌青山公路一酒店對開發現一名20歲本地女子形跡可疑,遂上前截查。警員其後於該名女子身上檢獲少量懷疑可卡因。

警員其後突擊搜查上址一酒店房間,房間內發現3名本地男子及兩名本地女子,年齡介乎16至23歲。警員並於房間內檢獲約80克懷疑可卡因、約70克懷疑氯胺酮、一個電子磅及約3,000元現金。

該3名本地男子及3名本地女子涉嫌販毒被捕。所有被捕人士現正被扣留調查,案件交由葵青警區重案組第一隊跟進。行動中檢獲的懷疑毒品共值約13.7萬元。

警方強調對所有毒品活動均採取零容忍態度,會繼續進行打擊行動。警方重申,販毒屬嚴重罪行,根據香港法例第134章《危險藥物條例》,一經定罪,最高可判處罰款500萬元及終身監禁,市民切勿以身試法。

來源: hk01.com

可可豆蛋白粉掩飾1.25億元毒品 警拘兩人 揭菲傭為$100酬勞販毒

警方毒品調查科搗破1.25億元販毒案,行動中檢可卡因、大麻及氯胺酮,並拘捕一名58歲本地無業漢及一名40歲菲律賓籍女傭,兩人涉嫌「販運危險藥物」罪被捕。警方指,毒販用可可豆及蛋白粉作掩飾毒品,有關毒品經厄瓜多爾運抵本港後再運到儲存倉,而涉案女傭於處理毒品時被捕,據悉她每次行動可收取100元現金酬勞。警方指案件仍在調查,另正通緝一名44歲中國籍男子,不排除有更多人被捕。

來源: hk01.com

鐵窗中的孤獨新年

正所謂每逢佳節倍思親人,本人在荔枝角十個月經歷了中國農曆新年,中秋節,在幾日後便是聖誕節,令我十分想念家人…

本人因販運毒品20g 可卡因現在荔枝角收押所被關押十個月了。

這十個月裏面本人失去了自由本人十分後悔。 因為不能再像以前一樣在外面想食什麼就食什麼想幾時見家人就幾時見家人。

正所謂每逢佳節倍思親人,本人在荔枝角十個月經歷了中國農曆新年,中秋節,在幾日後便是聖誕節,令我十分想念家人,所以本人真的非常極之後悔自己因販毒又再次被捕所以本人在此希望所有人真的不要去販毒吸毒因為毒品真的害人不淺。 

閱讀全文 鐵窗中的孤獨新年

難捨家人

由入嚟到而家已經兩個半月,但已經感到好耐,喺度咩人都見到,為生活而犯法,為生存而犯法,為一己私慾而犯法,為一時衝動而犯法,但最可笑嘅係連自己都唔知咩事而入咗嚟。我喺呢度見到幾廿歲至六、七十歲嘅人,如果再繼續之前嘅生活,你嘅人生就會不停喺監房進進進出出…

閱讀全文 難捨家人

誤失前途

原本我修讀高級文憑,因為社會問題停課,我不想交數萬元學費而在家修讀,於是決定暫時輟學進行了全職工作。怎知疫情因素加上「限聚令」,香港經濟停滯不前,數月來都僅僅有數千元底薪支撐自己生活,加上停工期間更是沒有收入的,最後才走上歪路,認識了損友給我介紹所謂的「工作」,一開始只是單單叫我租一個單位,去到後來,我知道真相後已經回不到頭… 閱讀全文 誤失前途