我今年32歲，已經係三個小朋友嘅媽媽，現在因為販運危險藥物 (冰毒) 被還押於羅湖懲教所24個月，正等候判刑。
父母離異
大概約七歲時，我父母因有第三者離婚。我自小就跟外公外婆同住，我跟媽媽關係很好。雖然好少見面，但我好鍾意我媽媽，我記得在我小學三年班，我母親再婚，亦跟他丈夫去到英國居住了一段日子。在機場望住她走的時候，我裝作沒事，但她走後我偷偷地哭。往後半年只有跟媽媽傾電話。我記得那一年我生日，媽媽寄了一封信給我，還有$10英鎊。那一封信，我睇一次，喊一次。半年後媽媽回港了，同時亦跟這個男人離婚了。而我亦搬回天水圍跟媽媽住，亦轉校了。由上水轉到天水圍，但因媽媽經常上班，大多數時間我都獨自在家，或者放學就自己搭巴士返上水回到外婆家。以至有一段時間我都上水、天水圍兩邊走。小學階段，我的成績優異，總是排名全級前十名，亦參加很多樂器的興趣班。外公外婆亦俾錢我到琴行學鋼琴。
直到升上中一，認識了一班俾我年級大的朋友。之後因媽媽經常不在家，以至我都自己一個，所以慢慢就偷偷地同成班朋友出街，學識食煙，之後更離家出走。與朋友在街上流連，亦試過在超級市場偷嘢，被發現後警司警戒。後來我多次離家出走。媽媽亦報警，之後我就入了馬頭圍女童院。離開女童院後，法官判了我要守宵禁令，但我亦再離家出走，出出入入馬頭圍三至四次。
於等待入學期間，我在外公睡覺時偷偷在他銀包取回自己的證件及約$7000，在樟木頭搭車到羅湖過關返香港找我的朋友。過了約一兩個星期，身上的金錢亦花光了。
我屋企人決定把我帶到大陸讀書，亦俾了幾萬蚊的學費讀國際學校。於等待入學期間，我在外公睡覺時偷偷在他銀包取回自己的證件及約$7000，在樟木頭搭車到羅湖過關返香港找我的朋友。過了約一兩個星期，身上的金錢亦花光了。我和三位女仔一齊在街上行劫了一個女仔的手提電話及數百元金錢。當時的我，只有13歲。行劫後的第二日，我在街上被捕了。
成為初犯者
之後被判入了粉嶺女童院12個月。但我在女童院的品行惡劣，行為不良好，被警告了多次，更在女童院內打了一位院友。因此，我被判了，違反感化令，又再一次被帶上法庭。法官把我還押到大潭峽懲教所。當時我剛滿14歲，到了可入懲教所的法定年齡。還押了21日，法官將我判入了更生中心。
更生中心的日子相比女童院辛苦很多。每天要磨鞋，練操，接氈接得一絲不苟。而且，當時亦有一種風氣，新人總會被舊人欺負。在更生中心的出冊日期亦視乎表現而定。表現中等的話，一般大約四至六個月就可以轉到中途宿舍––蕙蘭更生中心。三個月就可以出冊，但出冊後仍要守一年的監管令。於未滿16歲前，我已經因違反監管令被召回兩次。
在更生中心我認識了一班朋友，出獄後亦有繼續來往，及後更與這些朋友一齊吸食冰毒，索K，經常到disco。
身邊的朋友全部都是吸毒。直到約17歲，我當時因更生中心的召回令通緝了差不多兩年，終於又再一次被捕。這次被捕時，我懷孕了，但當時只有17歲的我決定了終止懷孕。
由15歲開始吸毒，當時我在Salon返工，維持了一年多。因經常遲到早退，最後我跟了當時的男朋友開始賣冰毒賺錢。開頭都只是小本經營，但卻令自己的圈子擴大了。身邊的朋友全部都是吸毒。直到約17歲，我當時因更生中心的召回令通緝了差不多兩年，終於又再一次被捕。這次被捕時，我懷孕了，但當時只有17歲的我決定了終止懷孕，於是被召回到更生中心後打掉了我人生中第一個BB。
18歲又再一次出獄，終於都不再受監管令的束縛，以為終於擺脫了懲教所。出獄後我又再繼續吸冰毒，賣冰毒，同時亦在酒吧當拳手。每天的生活多姿多彩，因為賣毒品，所以我亦有好充裕嘅金錢吃喝玩樂，在酒吧返工亦只是當了興趣。
我19歲時，有一次終於因身上有毒品被捕了，但只是很少份量，因此亦獲准保釋外出。但我並沒有依時上庭，又再被通緝了。
我的摯友–––寶寶
當時我有一位非常要好的閨蜜叫寶寶。我每天都同佢一齊返工，一齊玩，一齊吸毒，亦同居。20歲時，發生了一件，我畢生難忘的事，我的閨蜜自殺過身。
那時候，我因為賣毒品賺錢，很多時候都在外。寶寶自己在家，但每天幾乎每隔3至4小時，她都會致電給我，或者每隔幾個鐘就要我打電話同佢報平安。佢係十分擔心我會俾人拉。當時佢有一位穩定的男朋友經常陪着他。因此我同寶寶只有兩三天才見一次面。而我每次回家都會帶毒品俾佢食，佢就不用花錢買毒品。
有一次寶寶打電話給我，叫我快啲返屋企，佢男朋友出事了。我立即就由九龍飛車返元朗。返到屋企，我見到寶寶已經將佢男朋友的手腳綁起來。佢男朋友當時不斷咆哮，情況就如鬼上身一樣。原來因為一整晚吸食了很多的冰毒，精神狀態出現問題，精神錯亂。之後可能咆哮得累了就冷靜下來。我就把他的手腳鬆綁。怎料，他突然彈起身一個箭步衝去門口開門跑落樓。當時佢只穿了一件白色背心底衫，孖煙通，冇着鞋。事發突然，我同寶寶都手足無措。最後收到有消息佢男朋友俾人捉咗返差館，再送咗入青山精神病院。
兩個月後，寶寶男朋友喺精神病院出返嚟後，因家人反對，所以要同寶寶分手。寶寶當時好傷心，所以我亦24小時陪伴着她，逗留左喺另一位的朋友屋企兩至三日。我亦將所有毒品買家嘅order擱置。直到第四日朝早大家都累了。連續三日吸毒冇瞓覺，寶寶同我講叫我去做嘢啦。因為佢見到我電話不停咁響。佢話佢返屋企瞓下，叫我做完嘢返屋企搵佢。當時我見佢已經冇乜特別，所以都放心了。俾咗$500佢自己搭車返屋企等我。
而我就去拎毒品俾人。但因為停咗工三日，有太多人拎嘢 (毒品)，所以我直到晚上7-8點先至差不多忙完。先至發現寶寶話返到屋企會打電話俾我都冇打。所以我打俾佢，但冇人聽。當時以為佢瞓咗，所以聽唔到電話響，直至9-10點。我打咗好多次都依然冇人聽，我就覺得有啲唔對路。即刻就由九龍搭的士返屋企，返到屋企門口，開門開唔到，我當時已經好驚，個心好怯，而且都已經11點幾。之後我拍對面屋門，叫人幫手。最後發現，寶寶用膠紙痴實門窗燒炭自殺了。佢留下了遺書，說是被情所困。但我諗大概亦有着被毒品影響因此意志薄弱吧。
呢件事，對我打擊好大好大，令我吸冰毒嘅份量更多，同時我又再懷孕了。當時因被通緝中，懷孕亦不知怎麼辦，更不能到醫院產檢，擔心會俾人拉，每天頹廢在家。只有吸毒，瞓覺，瞓醒再吸毒，還有𠝹手，當時我覺得𠝹手能令我當作一種宣洩。有一日我受不住壓力想一死了之。我住在32樓，房間的窗沒有窗花，我就坐在窗框上一直地哭。有畏高的我當時真係一啲恐懼都沒有。最後大概係被鄰居在窗口望過來發現，打電話聯絡我隔離房男朋友的媽媽，該報警了。我被警察從後把我抱下來時，我才突然好似「叮」一聲醒了，竟然警察入咗屋，入埋我房，我都絲毫不知。今日回想，當時我都唔知自己做緊乜嘢，點解咁輕易就有想死嘅念頭。之後因為家裏有毒品及吸食工具，而且我亦係被通緝，所以被帶返差館。最後我懷着五個月大嘅肚被判入戒毒所。
當我被黑暗統治
其實由我17-21歲呢段階段，曾經亦遇過不少不如意的小插曲，同屋企人鬧交，同男朋友分手。我是我經常性𠝹手以致入過醫院，縫了17針，其實只係好小事情。但食完冰毒，s仔，就是會把負面情緒放大了。但當時我覺得吸毒後能令我舒緩或減壓，而且身邊每一個朋友都係吸毒，已經成為咗同朋友之間的共同興趣。21歲我第一次搬入戒毒所，大約六個月服刑完畢便誕下了我的大女。因我出獄後第一日就已經即刻食番，亦被大女兒的爸爸知道了，最後分手了。因為當時我選擇了毒品，而女兒亦被他帶走了。
我同佢不停鬧交，後來佢更出手打我，一次比一次重手。
後來我認識了一個男人，我同佢一齊合作賣毒品，之後拍拖，好快我又再懷孕。我懷孕期間佢有第三者同時染上賭癮，把所有錢都輸了。我同佢不停鬧交，後來佢更出手打我，一次比一次重手。
之後有一次我因為車上有少量冰毒，被警察路障截停查車，被捕了。當時同行在車上，計埋我總共三人，我是車上其中一位乘客。好慶幸，當時我可以擔保外出。之後亦誕下女兒。
那時我的所有儲蓄都已經被男友賭輸了，再唔夠錢拎毒品。但女兒剛出世，奶粉尿片所有都係錢，我唯有再做返拳手，那時女兒未夠一個月大，經濟情況亦唔容許我坐月。一向有司機接載的我，亦只能由新界搭巴士出九龍返工，女兒交由我男友的妹妹湊住。一星期後我出糧，當時有大概$3000。我靈機一觸就將$3000拎毒品再散賣返出去賺多啲錢。最終因為拎貨買賣，本來每日凌晨五、六點返到屋企，但那天我下午三點才返到屋企。一入屋已經好攰，喺梳化上睡着了。直到聽到嘈吵聲醒了，一擘大眼我男友已經對我拳打腳踢，用鐵通打我。但無奈我同佢已經有個女兒，我只好忍氣吞聲。但那次我傷勢嚴重，在屋內呼天不認，叫地不聞，手提電話亦俾佢打爛了。
我覺得今次真的要清醒了，我被捕時更誕下了我兒子只有20多天。現在他已經兩歲多，我完全錯過了他成長的過程，喺還押這兩年，我外公外婆身體亦出現了些狀況。回想自己這10多年，不斷坐監，不斷令家人心痛，但坐監嘅源頭，就係因為吸毒。原來我真係浪費了很多時間，渡過左10年唔踏實嘅生活。到最後，我得到了什麼？或許當年我冇選擇毒品而放棄了我大女的爸爸，現在我已經有好穩定的生活及家庭，希望我的心路歷程能夠啟發你吧。
