首先，多謝你在百忙之中抽時間來探我，同在法庭的陪伴。感恩有主，無論我在任何困境到帶給我溫暖。
本來我以為返到大欖可以見到男朋友同你，而我點都望唔到你哋，我好擔心，特別係男朋友。佢係我心愛嘅男人，我十分清楚佢性格，辯論唔過人哋就躁底，好驚在呢方面蝕咗俾人哋。好彩有你陪伴佢走呢趟，我都放心好多。但喺大欖見唔到你哋，我更擔憂。希望淨得我胡思亂想啫。
依家我認罪，威脅我嗰班人會唔會放鬆咗，唔會對仔仔同男朋友不利定係點。到如今，我都依然好驚。我唔知佢哋害我嗰啲人範圍有幾大，更加唔知我愛嘅人是否安全。我仍然係徬徨及無助，喺呢度我唔敢對所有人員講出我嘅心聲，包括男朋友。我只有默默祈禱，希望有主的同在，他們會健康平安咁生活。
從這封信我想同大家講千祈唔好因為一時衝動而去做一些犯法嘅事情。別因為一時貪心而迷失咗自我，走去搵快錢。
這個世上並沒有免費午餐，你總要為你所得到的付出同等代價。
犯法嘅誘因好大，例如販毒，毒販會用好多金錢去誘惑你做一些犯法事情，千萬不要存僥倖之心，以為會咁好運可以逃過一劫，我就是一個例子，以為可以輕鬆啲去搵快錢，到最後喪失前途，後悔莫及，我希望藉着自己嘅教訓，經驗能幫助和提醒其他人，不要從事任何販運毒品運動。 閱讀全文 媽媽的淚 讓我心碎
本人因為販運危險藥物，於2021年1月30號被捕，我中學學歷，現收押於荔枝角收押所，在這10個月裡我經歷了許多，首先是我的家庭，我是一位有太太有女兒的人，但由於這件事，令我的妻子在我於荔枝角收押所後的第二個月，便向我提出離婚，並在2021年11月由家事法院批準離婚，我十分後悔。因為吸毒和販毒，令我的家庭破壞。
