首先，多謝你在百忙之中抽時間來探我，同在法庭的陪伴。感恩有主，無論我在任何困境到帶給我溫暖。
本來我以為返到大欖可以見到男朋友同你，而我點都望唔到你哋，我好擔心，特別係男朋友。佢係我心愛嘅男人，我十分清楚佢性格，辯論唔過人哋就躁底，好驚在呢方面蝕咗俾人哋。好彩有你陪伴佢走呢趟，我都放心好多。但喺大欖見唔到你哋，我更擔憂。希望淨得我胡思亂想啫。
依家我認罪，威脅我嗰班人會唔會放鬆咗，唔會對仔仔同男朋友不利定係點。到如今，我都依然好驚。我唔知佢哋害我嗰啲人範圍有幾大，更加唔知我愛嘅人是否安全。我仍然係徬徨及無助，喺呢度我唔敢對所有人員講出我嘅心聲，包括男朋友。我只有默默祈禱，希望有主的同在，他們會健康平安咁生活。
尋日如果我反駁過一條罪，我都將否認罪，到時會冇咗三份一，法庭同法援係兩回事嚟㗎，希望我男朋友明白呢一樣嘢。
我想讓更多人知道無論做任何事，任何同人做朋友，都要隨時警惕。如遇到類似我咁嘅情況，一定要報警。唔好好似我咁將啲嘢埋藏於心底，（要）讓啲壞人繩之於法。所以我希望將我啲心聲打上網。
依家我認罪，攞三份一先，到時可唔可以同律師傾吓？
1. 我認罪，但我打案中案，因我係俾人威迫去進行嘅。
2. 我冇收過佢哋啲錢。
3. 啲毒品嘅去向我一概不知。
4. 佢哋係攞我兩個仔同男朋友嘅生命威脅我嘅。
最後希望個官用最低嘅刑期判我，呢個係我願望，不過一定要保護我嘅家人先。我死不足惜，唔好連累屋企人，一定要保護好佢哋先進行。我寧願坐20年監都唔想佢哋有啲乜嘢意外。
我雖然冇乜嘢文化，亦都冇人教我要點做，但我嘅意識明白到如果我尋日喺法庭度嘈，相信個官會當我唔認罪，跟住會發向高等法院處理，法援亦都會停止我嘅法律代表，我喊都冇眼淚。
我同意參加禁毒宣傳，係唔想畀更多人因自己交友不慎而去連累愛你的人，甚至會毁滅自己嘅一生，讓更多人知道無論做任何事，任何同人做朋友，都要隨時警惕。如遇到類似我咁嘅情況，一定要報警。唔好好似我咁將啲嘢埋藏於心底，（要）讓啲壞人繩之於法。所以我希望將我啲心聲打上網。
我今年40歲，由我懂事開始就討厭毒品，所以我身邊的親人或者朋友都唔會吸毒，更加唔會販毒。我是一名家庭主婦，有時間就會做吓代購，幫下親戚朋友買吓他們想要的物品，互惠互利，大家都很開心嘅。
直到2020年12月尾，我接到一個相識已有30年的朋友電話，她叫我去幫手接貨，我毫不猶豫的去她指定地方拎。當我將啲貨品攞到指定單位時，我打電話俾佢，問佢呢啲係乜嘢？但對方不願透露，於是我將呢啲嘢放低返屋企。當時我諗，我同佢相識咁多年友情，佢唔會害我嘅，跟住冇諗咁多。於是返到屋企再打俾對方問佢，佢同我講呢啲唔見得光嘅嘢，仲叫我唔好同其他人講，包括我家人。當時我好嬲，我不停話佢你都睇住我兩個仔出世到大，如果我有乜事佢哋點算，叫佢以後呢啲嘢唔好叫我幫手。同時都叫咗佢唔好再打俾我。之後我就封鎖咗原有同她的聯繫方式。
由嗰日開始我原有平靜的生活晴天霹靂。我唔肯幫佢，佢叫咗兩個男人上我屋企拍門恐嚇，甚至攞兩個仔嘅生命威脅我，話如果我唔幫佢哋，佢會接我仔放學。當時我好驚，唔敢向任何人講，唯有日日以淚洗面，在黑夜中痛哭。心諗我幫佢哋啦，萬一仔仔有乜嘢事點算呢？所以我幫佢哋做。一日復一日，我每日都心驚膽戰，但為咗仔仔我便行出門口就開始哭去幫佢哋做啲危害社會事宜。因為幫咗佢哋，仔仔佢哋就會冇事。軟弱同無知的我唔識得向朋友或者警方求助，直到入咗懲教所先知件事的嚴重性。
我有三年冇同家人過年啦。我現在好掛住佢哋，亦都很後悔自己當初嘅無知和愚昧。希望大家以後無論親戚朋友都好，如佢哋叫你們帶任何嘢都好，千祈唔好馬上答應。就算幾相熟嘅朋友，親戚都唔好咁快答應。問清楚嗰啲係乜嘢先。如有懷疑，即刻同其他朋友或者家人傾訴，唔好似我咁獨自收埋，最好尋求法律援助。
我在懲教有兩年幾，睇唔到兩個仔成長的點滴，悔恨終身。嚟緊10月13號判刑，希望有主的恩典，賜我一個仁慈，名利的法官，讓我早日脫嚟苦海與家人團聚。
我仲有你同男朋友，有啲人乜嘢都冇，家人朋友全部唔喺香港，最終都係打輸咗判20幾年，所以我選擇認罪。無論佢哋講啲乜嘢都好，我都認嘅。
