我在2017年9月4日，經我一個認識咗10年嘅朋友介紹咗X俾我識。當日我同佢哋去咗油麻地一間茶餐廳入面傾偈，因為我嗰個識咗10年嘅朋友，知道我有個病（多發性硬化症），同埋知道我啱啱結完婚，要搵錢養老婆同個九個月大嘅女兒，急着要錢，所以佢就介紹咗X俾我認識，話佢可以幫到我。我同X傾咗兩句（我估唔到佢（印度籍）識講中文），佢就問我有冇興趣撈搵錢好快嘅嘢（撈毒）。如果我肯做，佢下次有貨到會叫埋我，因為佢話每次最少都有2至3萬。我當時冇應承佢，淨係話我會諗諗。
去到2017年年9月13日，我呢個識咗10年嘅朋友打咗兩次電話俾我，第二次係半夜，我冇聽。到我起身嘅時候，我打返俾佢，佢就問我今日有咩做，我同佢講我一陣要入醫院做磁力共振，佢就叫我做完搵佢。
我做完MRI之後我就打俾我嗰個10年嘅朋友，佢就問我，你而家做完MRI，一陣仲有啲咩做？我就同佢講冇。佢就問我，上次X同我講嗰啲嘢，我諗成點，同我講話如果我OK，今晚就會做，今次會有5萬。我當時一聽到5萬 ，我就咩都冇諗，即刻同佢講我做，之後佢就話會再打俾我。
我嗰個10年嘅朋友，打俾我嘅時候，就叫我打過去一個電話，同嗰個人講「回收」，佢就會同我約地點同時間，佢會俾嘢我。我同我識咗10年嘅朋友話OK，之後我就打俾嗰個人，同佢講「回收」，呢個人就俾咗個地點同時間我，我就同佢講OK。
去到嗰個人講嘅地點，嗰個人就打俾我問我到未，我話到咗門口，佢就話佢會落嚟。我喺一間舖頭門口等咗一陣，佢打俾我，我冇聽，佢知道係我，就將嗰啲嘢俾咗我。
就喺我接緊的士嘅時候，突然有人撳我落地下，搶咗我手上嘅嘢，鎖我手扣。
跟住我就打俾我嗰個10年嘅朋友，同佢講我收咗啲嘢。佢就叫我而家截的士入石門，佢而家去搵X拎錢。之後，我就聽晒我嗰個10年朋友嘅說話，去截的士入石門。就喺我接緊的士嘅時候，突然有人撳我落地下，搶咗我手上嘅嘢，所我搜救，喺嗰一刻我知道自己俾人利用，做咗佢哋嘅棋子，做咗佢哋嘅替死鬼。
之後我被還押在荔枝角同赤柱監獄九個月。我就被高等法院因販運危險藥物罪，用21年作判刑指引。基於我認罪，扣減三份一，結果我被判監14年。我一直都好後悔，後悔自己咁傻仔，後悔自己有家庭有老婆，有一個好可愛嘅女兒，但我當時冇諗佢哋，只係諗錢，令到自己俾損友，俾不法分子去利用。
曾經我有諗住做傻事，但係我未聽過女兒叫我爸爸，同埋做傻事，又有何用。所以我打消咗呢個念頭，我幾辛苦都要捱落去，因為係我自己造成今日嘅結果。
在我判刑後兩星期，我太太申請和我離婚，理由為我要坐14年監，不能盡丈夫責任照顧她和女兒，所以她要申請離婚。
不過，我好慶幸，我在獄中有幸認識到Father，知道神父佢一直有幫緊因X呢個人而入獄嘅在囚人士，所以我主動搵Father，而神父亦有幫我同執法部門聯絡，好多謝佢。我亦因神父，認識到Y，佢來探我，叫我參加禁毒計劃，亦有叫我嘗試祈禱，試吓搵天父爸爸，天父爸爸一直都在，只等待我去重新捉緊天父的手，只要我向他禱告，他一定會幫，一定會在聽。而我有嘗試搵天父，我在禱告求他可以幫我，結果天父爸爸一直都在，而他好像已經一直在幫我，所以我積極參與禁毒計劃。希望我可以將我呢個教訓話俾一些入世未深嘅年輕人聽，作一個提醒，做一個警惕。
希望你們看完後，可以用作引以為鑑，不會因為一些小利益，而斷送自己的一生。因為入獄唔單止影響自己的前途，還會影響家人，所以千其不要（因為）一些利益，誤聽不法分子同損友嘅說話，而放棄自己的美好人生。God bless.
在人是不能，在神卻不然，因為神凡事都能。馬可福音10：27
