本人由懂事開始便與父母母親及家姐和哥哥關係越嚟越難溝通，覺得冇一個屋企人係會付出時間關心和愛錫我，所以形成我極渴望在學校內尋找「所謂」的資深好友。
不過，我唔鍾意讀書，成績唔好，以致讀書叻同乖巧嘅同學一定唔會想同我做朋友。那時，感受到被一班人刻意疏離，心底當然萬二分之難受，係被孤立嘅感覺，好自然就會同一班被認為為「害群之馬」嘅人做朋友，融入佢哋吃喝玩樂嘅圈子之中。
同時間我亦開始接觸到毒品和做違法是去賺嗰啲「搵快錢」。其實，當時看見以為係自己嘅「知己」、「酒肉朋友」在面前吸毒，縱使好奇想去知道有什麼反應或嗰種會「free」同好「high」，但都冇膽量去試。
但估唔到畢業後已與我班朋友失去聯絡，投身社會工作嘅日子，幸運地認識咗一位願意教曉我投資嘅知己，其後更與我合夥做生意。當我覺得一切順景嘅時候，發現全部都係假。所有嘢係令我上當，呢個局令我生意失敗嘅挫敗感，甚至讓我精神飽受壓力，釋放唔到內心刺痛，近乎崩潰。
終於揀咗行上吸毒嘅不歸路。都唔需要我幾個月時間，已經出現冇錢去攞毒品食。
結果終於揀咗行上吸毒嘅不歸路。都唔需要我幾個月時間，已經出現冇錢去攞毒品食。竟然我毫無考慮買賣毒品比其他人嘅嚴重和危險到，決定用極少份量嘅毒品賣俾朋友嚟拎些少錢。因為我自己都驚俾警察發現而拘捕，所以都係運送好少嘅貨俾人。
但再過多一段時間，當自己連住嘅地方又冇，連食飯都有困難，根本冇可能可以走落去。捱唔住嗰刻起，就會任何事都肯去做，尤其當我得知幫人販運毒品係好容易獲取大額金錢，而且毒品市場又實在太多，只需每日運送幾轉毒品嘅所賺嘅錢，經已好足夠我嘅起居飲食。嗰一刻，已經唔識驚會出事，只係會驚冇錢用同冇錢攞毒品食。
「上得山多終遇虎」
最後，終於被警方倒破了我的繁榮計劃。享2023年當年搜出頗為大量嘅毒品，律政署便以「反運危險藥物」罪名將我還柙於大欖女子懲教所導致今年2026年。
在2023年我踏入咗大欖女子懲教所開始患壓起，已經知道將會迎接唔知幾時先可以有返自由嘅難捱日子，所以我要有一定嘅心理準備去與正在還柙嘅其他人，其他種族嘅人在這地方內相處。雖然我對每一個人都係抱住身同感受，但每個人都有自己嘅性格同行為，所以亦要面對群體生活嘅憂慮。
不過，在呢幾年時間點唔開心，點掛住家人，點懷念有自由的日子，都係冇任何嘢可以改變。我肯定任何人要被困響懲教所裏面，唔會表現出好開心嘅態度，因為係要受罰要負責任。不過响夜晚囚室內，好靜嘅時刻，我都會胡思亂想，覺得根本係自己一手造成自己被困響度，唔可以享受睇戲，聽歌，行街買嘢嘅自由。好後悔點解唔珍惜響出面嘅美好世界，要走去行差踏錯。
俾警察拉咗後，囚禁於懲教所內。最初帶着恐懼和徬徨嘅心態開始開「生活」，不過我仍然懷着要重新改過的心。
回想起出面嘅時間都唔係完全無憂無慮開心咁過日子，因為自己做毒品買賣，擔驚受怕會有警察向我搜查，繼而揭發販毒後被起訴。其實，在還柙前同之後，我都唔係覺得真正開心，何況諗起唔知要等幾耐先有上庭判刑嘅日子，唯有忍耐同等待。
將來當經過一段頗長嘅還柙加上判咗刑期受罰嘅時間，我知道自己深信已經擁有成熟嘅心智，懂得點去面對生活同未來，遠離毒品嘅決絕。
首先，我必定與那些「豬朋狗友」或尚有吸毒嘅人決絕地疏遠，我唔係逃避佢哋，而係充滿信心去面對，因為知道就係毒品嘅問題，吸毒和販毒都令我失去咗寶貴嘅自由同青春嘅光陰，何必明知失去咁多珍貴嘅嘢，仲要去重犯嗎？
刑滿出獄後我會堅定自己嘅信念，自己不會再做那些以為極容易就得到嘅所謂「快錢，錯事。我自己在囚過程學習到應有嘅盡責態度，做回一個不再會觸犯香港任何法例嘅良好香港居民。
若果遇上那些還在「搵快錢」嘅損友，我會奮力勸告這班不知天高地厚，不清楚明白被困於懲教所內的沒了自由嘅痛苦經歷，會以過來人嘅身份去告誡，誠心解說做咗錯事嘅不堪結果。
而我亦會參加教會事工，跟着一班弟兄姊妹做義工探訪，祈求以神的全能可引導及帶領我做一個全新嘅人。
