六
我由細至大係由社會福利署的寄養家庭裏長大，我由2歲至12歲一共住咗6個寄養家庭！先有第一個講起啦！住咗四年，由2歲至6歲，因為我太細個，所以叫家庭中的姨姨，叔叔及他們的兒子為爸爸，媽媽及哥哥，直至幼稚園畢業升上小一，我都沒有見過親生父母，一直都以為這個家就係我嘅屋企人。但係現實並非如此。到我升上小一，有個人想嚟我屋企搵我，同埋要我上庭——要上家庭的進展庭。那一次係我第一次見到一個男人聲稱係餓親父！但以前太細了，甚麼都不懂！亦都冇同佢講任何說話，上完嗰次庭後，上次叫我上庭嗰個人又上嚟，仲帶咗我去另一個屋企，見到一個新的家庭。嗰次之後我就冇見過原本的爸爸，媽媽囉。我就知道我唔會再見到他們了。
…… 全家人都對我郁手。我嗰陣搞到周身傷，舊痕未好身痕又出。
第二個家庭至第四個的家庭時間都好短，直至第五個先正式讀小一至小五。本身這家人都好好，但點解會讀完小五完呢，因為係我小四那年，全家人都對我郁手。我嗰陣搞到周身傷，舊痕未好身痕又出，令我夏天都唔理犯校規去着住長褲。最後當然係畀老師發現咗，告知校內社工。之後仲報警，令我轉咗入男童院，住咗兩個星期，再轉去第六個寄養家庭，仲轉埋小學讀小六，直至升上中一。我係本身小學小一至小三的成績都係全班頭三名，直至小四開始，由測驗開始自暴自棄，跌出頭三名不特止，仲搞到小五的預試成績全班尾二，只因我操行及體育成績好。轉校的那年暑假我因提早退校，喺男童院出去後去咗第六個家庭期間，成日以打波為理由出街，認識咗唔少不良朋友，同佢哋一起在邨內打橫行，惹是生非，打交，學食煙。到我小六開始更加無心向學，升上中一兩星期試學禮就打咗場大交，仲搵外面人衝入校打人，報咗警，接受警司警戒。
之後聲稱係我親父接走咗我同佢一起住，我搬咗出去後，轉埋校，插班中一生，仲要間中學喺旺角，我啲同學基本上都係有黑社會背景，令我又再認識一班新的不良朋友，在他們口中得知如何可以每日搵快錢，就是販運毒品！
我就每日放學去用幾小時幫人運毒，賺取數千元塊錢，同時我亦認識了一名女子及很快地發展為情侶。但我於2016年與女友因一次在酒精關係發生了性關係，三個月後並意外懷孕，我並沒有因此沒做，並去曠課全職毒。於是我不單止運毒，以女友懷孕的理由接了不同犯案的賺錢工作。
三
在2017年2月因一宗傷人，搶劫給恐嚇被捕，被囚了，被判入沙咀懲教所。在我受訓的日子，女友並沒有放棄我，亦一直探我，直至我獲釋，在我獲釋到豐力樓那天正是我女兒誕生這世界的日子！我得知及獲福利官批准到醫院陪伴。我女友的朋友問我剛獲釋並沒有金錢及工作，有否想幫他們工作？始終養一個小朋友需要更多金錢，所以當時的我上也沒想即時答應。原來又係從回舊路，再接觸毒品，更染上毒癮。於2018年終於因販毒被捕，入獄了三年四個月，冇自由的時間本以為已想通，但在我放監時，因疫情關係，冇工作可返，亦不請人。但我女友叫我不要做回毒品，但我的想法是要搵錢補回我入獄所失去的一切，所以又尋回那些不良朋友，更瞞住所有人，不夠三個月又被捕，就是這次的案件。現今於荔枝角收柙所還柙中，已還柙了差不多兩年了！這是我成長及誤入歧途的過程。
我係喺2022年被捕，由我踏入收押所指摸房那刻開始，我換上指定衣服後，我就清楚知道我並唔係發緊夢，係的確入了收押所，準備失去自由，做任何事都被看管着了。由我進入醫院隔離，到入房，並關上閘門時，望住四道牆，我唯一做的事就係瞓。但當我一盒上眼就眼濕濕，直到福利官打俾女友通知我入咗去，到我女友探我，見到我佢喊晒，我都忍唔到，每日夜晚就寄信。
直至到連女友探訪，由每日一次到隔日探，之後兩日探，跟住一星期一次，再之後一個月一次，最後係由探訪去律師探訪，簽離婚及撫養權信！
我入嚟一年左右，除咗女友每日探訪外，所謂的大佬，兄弟，一句問候都冇㗎 ！唔好講探訪，就連信都冇封呀！我叫我女友打電話去搵所謂的兄弟，最後的回覆係「唔得閒探」，「等佢出嚟再算」，我只係無奈的心情，冇失望，因為我都冇希望過！所以係冇失望！直至到連女友探訪，由每日一次到隔日探，之後兩日探，跟住一星期一次，再之後一個月一次，最後係由探訪去律師探訪，簽離婚及撫養權信！我絕望的心情到了！冇信收，冇探訪，冇自由，一日比一日情緒低落！又失眠，又無胃口食嘢，最終搞到胃出血入咗院！通知緊急聯絡人，即係我前妻，最後有探多一次，見咗2分鐘就喊住停止探訪。我亦因情緒激動被鎖上了單獨囚禁，在單獨的時候，不停地回想自己為何要重做毒品，但依家後悔已遲了，唯一可以做的事係提早認罪，希望到判刑時可以輕判！
二十三
我願意受罰，但我也想早點出去，我還想挽回那份情，我不想她那麼辛苦！我仲想修補呢段情！及關係！我已錯過了一次機會，我唔想再後悔了！現在我23歲！希望可以喺28歲前離開！已還柙了兩年了，受盡了心理的情緒！現在的我只想重新做人！這是我的感想！
