由入嚟到而家已經兩個半月，但已經感到好耐，喺度咩人都見到，為生活而犯法，為生存而犯法，為一己私慾而犯法，為一時衝動而犯法，但最可笑嘅係連自己都唔知咩事而入咗嚟。我喺呢度見到幾廿歲至六、七十歲嘅人，如果再繼續之前嘅生活，你嘅人生就會不停喺監房進進進出出…
由入嚟到而家已經兩個半月，但已經感到好耐，喺度咩人都見到，為生活而犯法，為生存而犯法，為一己私慾而犯法，為一時衝動而犯法，但最可笑嘅係連自己都唔知咩事而入咗嚟。
監房真係社會黑暗嘅縮影，對於16年冇犯過事嘅我嚟講，完全格格不入，但又冇辦法。
我知道自己的刑期好長，對於好多人嚟講好快過，但我喺度一日都嫌多。不過我唔會浪費呢幾年嘅時間，不斷去增值自己。雖然近呢幾年香港嘅生活好艱難，但總比喺監房嘅生活好過。講真，我真係冇後悔犯罪，但後悔陪唔到家人嘅每一刻，好內疚，咁樣諗又有冇錯呢？
喺呢度我識咗幾個較為熟悉嘅人，我亦都嘗試用我嘅言語，過去同經歷，叫佢哋唔好再犯事，戒賭戒毒等，我喺呢度見到幾廿歲至六、七十歲嘅人，如果再繼續之前嘅生活，你嘅人生就會不停喺監房進進進出出，因為監房飯食得多會上癮。
我唔係咩聖人，我只係一個平凡人，我唔希望我身邊嘅人有我同樣嘅經歷，希望佢哋安康。
願主祝福你！
備註：信件經過編輯以方便閱讀。
