我自身本身沒有吸毒習慣，而我會接觸到都係因為我基於欠債 20 萬，想搵快錢犯下大錯～
本身爸爸喺我 6 歲嘅時候已經離異咗，原因係有第三者出現，同爸爸相依為命。。
喺離異 2 年之後發現爸爸有精神分裂，嗰陣寄居喺姑媽屋企，到後來爸爸情況海況愈下，而姑媽屋企亦要裝修。
以前返學既日子亦都受過欺凌，令我自己都產生懷疑，我係咪不適合群體生活，好冇自信，亦有半年斷斷繼續返學。最後我入住政府機構院舍 6 年，直到 18 歲再同爸爸一同入住公屋。
我本身中六畢業，做兼職做咗 2 年，亦有一年冇工作，靠綜緩為生。爸爸期間情況反覆，亦有住院紀錄，到依家叫情況可控，依然要定期覆診。
由於今次我犯下大錯，導致我要喺依個地方度過一段唔短既時間。爸爸一個人孤伶伶喺屋企，亦令我好掛心。
自從入左嚟呢個地方都對我好大影響，一開始亦有失眠不同的問題，亦都因為不同問題／煩惱，經常頭痛。
依家嘅我因無期亦都會焦慮，不知自己判刑嘅日子而思慮過多。
依家嘅我因無期亦都會焦慮，不知自己判刑嘅日子而思慮過多。當爸爸得知我入咗嚟，我都好怕打擊過大，亦同時好感動佢冇放棄我。
對於朋友，我亦未有主動聯絡，無面目，所以我都好低調。失去咗自由同失去與外界溝通渠道，已令我後悔莫及，好多關係都冇法維持。
當我想起我爸爸，亦會自己偷偷落淚，因為唔想影響其他人。會好有失落感，亦好擔心他自己一個人過得好唔好。我地一直都好似相依為命的關係，一齊經歷咗好多，用言語形容唔到嘅關係。
依家我都對自己好失望，冇辦法好好孝順佢，希望自己可以用餘生時間孝敬佢。
由於今次我犯下咗大錯，所以我都衷心勸喻所有人，唔好行差踏錯，一步錯步步錯。唔好有僥倖心態，亦都要提防身邊人，防人之心不可無，不要踏上不歸路。
亦都小心社交媒體所謂搵快錢 / 請你去旅行，揾錢有好多方法。如果再有一次機會，我絕對唔會再販毒，亦會好好做人。
