我從小就跟父母分開，因為我爸媽他們是從內地來幾個月就生我出來，所以忙於工作。我半歲的時候，就把我送回內地，給我的姨媽照顧，直到三歲要讀書時才回香港。但是這段時候我父母都比較少見，那時我對他們很陌生，甚至連他們是我父母也不知道。
之後我住在荃灣一間板間房。地方雖小，但我們都很幸福。之後爸爸有次碰上了同鄉介紹到他的海味店工作，之後我們又搬到西環了。到了西環就住在海味店上一樓。
我記得那時爸媽感情還很好，雖然不是很富有，但是也算衣食無憂，生活也很愉快。過了兩年左右，他們也在西環買了一間唐樓，算是有自己的房子了。之後爸爸也開始他的事業，也是做海味，他也做得很好，之後在深圳也開了一個加工海味工場。
當時深圳也比較複雜，爸爸找了我的舅父，四叔，堂大哥，和一個表哥來做，但是他們賺到錢就很快去搵女人。
當時只有小學四年級，每天只能吃外賣，他們大約一至兩星期回港一次。最深刻一次就是有一次我拿了足球比賽冠軍，媽媽應承了回港跟我慶祝，但是她沒有回來。那天我哭了一個晚上。之後他們知道後，都只是買玩具給我當補償，但心靈上我真的寂寞。
所以我媽媽也一起回內地工作，留了我一個人在香港。當時只有小學四年級，每天只能吃外賣，他們大約一至兩星期回港一次。最深刻一次就是有一次我拿了足球比賽冠軍，媽媽應承了回港跟我慶祝，但是她沒有回來。那天我哭了一個晚上。之後他們知道後，都只是買玩具給我當補償，但心靈上我真的寂寞，所以開始留連球場不回家，因為家裏根本沒有人陪我。之後我開始認識了黑社會，常常打架生事。我同好多人都係一樣受朋輩影響及出於好奇心就開始接觸毒品。第一次係同同學飲咳藥水，喺球場當時大約12至13歲。飲完都冇咩感覺，只係有啲眼瞓。我亦不太感興趣。
過了幾年後，爸爸的生活開始變差又爛賭，生意又俾人走數，之後欠了人幾十萬仲走咗佬，佢嘅債就由媽媽一個還。好記得我中二左右，每星期都有人上嚟收數，當時我仲細真係好驚。
我講比球場認識嘅人聽，佢哋叫我跟佢大佬就有人保，唔使驚班收數佬。我封咗「老毛」俾大佬，之後有次又有人嚟收數，我就打俾大佬同啲friend，佢哋即刻20幾人衝晒去我屋企，追咗班收數佬上天台打咗鑊，之後再幫我擋埋條，等佢哋唔敢再上嚟煩我哋。
之後我就成日黐住佢哋度，總之吹雞打架嘅我都一定到。
青春狂熱
大約15至16歲開始同啲同學去disco，起初我都冇吸毒，因為覺得佢哋迷迷糊糊咁，都唔好玩嘅。一直都拒絕冇試，當時我哋喺disco食嘅毒品，通常都係食「三寶」，就係fing頭丸，K仔，Five仔。
我只係記得入廁所索完K，仲話冇料到嘅。之後郁唔到，時間好似過咗好耐好耐咁，我完全失去了控制。
但係有次個朋友生日帶咗一班女仔出嚟，我生日個friend又問我：你今次又唔食呀？我話唔啦，但係其中一個女仔走過來又問我，你唔take嘢㗎，我話係。佢又講不如一齊free下啦，high咗好玩啲。我個朋友又係側邊，推波助瀾，又話我唔敢試，咁我喺唔衰得，又有女仔面前要認叻嘅呢啲，年輕人好多時都會犯嘅錯之下，就一次過試咗「三寶」。
我只係記得入廁所索完K，仲話冇料到嘅。之後郁唔到，時間好似過咗好耐好耐咁，跟住過咗唔知幾耐就差佬查牌。我哋幾個friend身上面都有毒品，跟住佢哋帶住咁「大」緊嘅我喺後門走，睇返個鐘原來已經凌晨四五點，我嘅第一次吸毒就咁完咗。
我亦都無心向學，其實我中三之前嘅成績一直都唔差，全級二百多人考40幾名。之後我媽媽要我繼續讀書到中五，我都中五畢業。期間是半工讀，一邊讀書，一邊做網吧。畢業後就開始做地產，一做就是14年。
人生「高峰」
除了頭半年開不到單之外，我差不多年年都爆數，但係搵到錢又開始跟啲地產師兄去大陸玩，亦都開始接觸毒品。那時大約21歲左右，晚晚都去disco玩，一個月差唔多20多日都去玩。但那時我仍然可以準時返工，差不多一天只睡四、五小時。唔知做啲乜，但係開始出得多去玩又識得多女仔，我每次出去「蒲」，都有吸毒，慢慢變咗由俾人導，變去導人吸毒。當年2003-2004年左右香港嘅disco開始越來越少，我哋亦都由喺disco食毒品轉到去私竇，同屋企。起初我都覺得喺屋企食毒品都有啲怪怪地，但係當時disco媾返嚟啲女個個都係咁，我又「屈服」喺現實之下。開始咗成日喺屋企吸毒嘅日子，之後仲食埋「可樂」。
當時我做緊地產，收入都唔錯，每個月都有五至六萬 ，起初我都係一個月食一萬左右，之後食咗「可樂」之後，差唔多會用晒成份糧。之前我就會喺度諗如果冇呢啲女朋友，我就唔會吸毒。不過呢個只係自己畀自己好過啲嘅藉口。我吸毒越來越多，開始影響返工同日常生活。每日起身就掛住吸毒，已經去到控制唔到嘅地步。
墜落
由2014年開始戒毒，斷斷續續到2020年中，有一次我同我老婆吵架，我在家吸毒，我老婆雖然知道我有吸毒，但是當時我們有小朋友才一歲多，她怕我high大咗傷害他們，所以她報警，拉了我。我亦在新生園戒了12個月毒，之後又戒完毒又一次同佢吵架之後又食返。
我當時返日新工，一天$700會攞$650拿毒品，$50拿留來第二日返工。唉…… 我當時完全面對唔到自己，我太太，我媽媽。我媽媽在2023年4月左右入咗醫院，她有肺癌，我當時完全唔知點可以幫我媽媽。我只可以喺佢面前扮戒咗，喺佢背後又不斷食。
而我媽媽喺過世前，亦都好想我變返一個好人，一個善良嘅人，佢話過就算佢死咗都會喺天上面睇住我，叫我唔好再吸毒，但係佢死咗之後，我更加唔開心，終日吸毒，食到想自殺，食死佢算，但係不停吸毒，吸毒一個多月後，我終於用晒所有錢，錢包得返$200。最後一次我因為嗰日想攞毒品，其實我自己本身有錢，但係嗰次收工見到同事個電話放喺枱面叉電，一時貪心就攞咗佢想賣咗部電話攞多啲毒品。最後雖然我俾返個電話個同事，但係佢都係報咗警拉咗我，我亦都冇怪佢，如果唔係呢件事我入咗獄，我一定仲吸緊毒，唔識醒。
我好後悔，我媽媽死之前叫我一定要戒咗佢，唔好呃佢，但係我做唔到，真係好對唔住媽咪。我真係好對唔住佢，喺我乜人都唔幫我嘅時候，只有媽咪佢會信我，幫我，佢真係好愛我。我好掛住佢，依家我喺獄中，連幫佢入土為安都做唔到，我好不孝，好自責。
覺悟時刻
喺今次入獄後，我真係醒咗，唔可以再係咁。雖然我依家俾人困住咗，但係都只係身體上，個心靈上一定要去改先得，一定要改變自己嘅思維，想法，要忍耐，要識等待，多祈禱親近神。
我喺入嚟之前仲同老婆搞緊離婚，但係喺入獄前其實我已經開始同太太嘅關係係好返啲。但係我俾人拉咗嘅時候，打俾佢同佢講我有單嘢衰咗，佢就好失望咁講：「你又係咁呀，唉……」我知佢對我好失望，我亦寫咗好多封信俾佢，佢同福利官講佢會收我信，但係唔會覆我。因為唔想俾個仔喺度見到我，同埋我好怕見到佢哋之後會喊，所以叫佢哋唔好嚟。可能就係咁，誤會咗我唔想見佢哋。我好後悔，好後悔，因為我嘅問題令到佢哋，我爸爸都好唔開心。我知佢哋對我好失望，但係我亦都唔想比佢哋知我嘅唔開心，自責。
一生冇再可以有幾多次機會，我出返去只希望同太太仔仔修補好關係，照顧他們一生一世，好好保護他們，唔會再做傷害他們嘅事，我要學習做一個好爸爸好老公。
戒毒唔係一朝一夕，係一輩子嘅。我哋戒毒會遇到好多挫折，好多考測，但係我知神佢會守着我，用身邊嘅人帶佢想俾我知佢幫助我。
我亦希望每一位戒咗毒或者戒緊毒嘅弟兄姊妹，你哋都要勿忘初心，想一想自己點同為咩去戒毒，吸毒係累三代人嘅，唔好令身邊信任你，愛錫你嘅人失望同傷心，因為好多嘢錯過咗就錯過咗。要懂得珍惜眼前人，唔好要自己後悔一生。
