本人在大欖已還柙差不多兩年，於2022年3月28號開始還柙。此案涉及兩名被告，第一被告是我的中學同學，第二被告是我，被告有四條控罪，包括「販運危險藥物」，案件涉及1.5公斤海洛英。
本人將會認罪。而較早前有人曾向警方透露想將有關此案之主謀交俾警方。第一次警方於10月中嚟見我，並沒有幫我落口供。他們要求我提交實質嘅證據和資料以方便警方拉人。後來本人於11月13日再去信警方及11月16號去信律政署要求落口供。警方於11月23日來見我及落口供。警方對我提及過，此案是由我老闆交我出嚟，本人之老闆在2023年10月中因涉及另一宗販運毒品之案件被捕，現橫額於荔枝角收押所。本人此案於2022年3月22日及2022年3月27日有關新聞報道。
此案由22號至26號，本人於尖沙咀尖東麼地道海景嘉福洲際酒店發生。當日警方亦發現有一男一女。當時本人會怕此男人對家人不利，故在警署跟警方說此男人為本人朋友。同日，此男人為我聘請大律師陪同我落口供，口供之所有內容，都係「我冇嘢講」。
本人家人有爸爸，媽媽，家姐，妹妹及細佬。本人之家境亦清白，爸爸媽媽在從事買賣海味而維持生計，姐姐從事高級文員，妹妹從事銀行的文職工作，而弟弟是健身教練。家中所有人都是高薪厚職。
唯獨是本人這麼壞。我從小學一年級已經要留級，重讀小一。而在年幼時總是與其他小孩都不一樣，總是不聽教。中二開始就已經吸毒和吸煙。
屋企人對我愛護有加，不離不棄。而本人之學歷讀書讀到中五。本人於2012年因販運危險藥物被起訴，於2014年被判到戒毒所。後來被律政署上訴喺羅湖懲教所服刑多一年，直到2016年1月出獄。
本人讀書到中三至中五時，已有在麥當勞兼職打工。到中五會考時，在荃灣全職做收銀員及水吧有一年工作。直到2002到2009在荔枝角電訊公司任職電話客戶服務。當時因為患有嚴重的皮膚病，濕疹及牛皮癬，而服用過量含有類固醇之藥物，導致不能如正常人工作及影響日常之生活，終日在家。直到2012年被控藏有危險藥物，以及於2016年服刑完成。
於2016-2017在旺角中心任職一年買賣手機電話殼之店員，之後一直都沒有從事正當職業。
於2022年被捕時，本人居住於大帽山約一年多，一直由家人代為本人交租，以維持生計。而今次這宗販運危險藥物，本人為了想賺取快錢，答應做交易。本來本人做了兩三次，決定唔再做，要求此毒品的主謀取回之貨物，但一直冇人拎走。此毒品已在我家中存放多過一個星期。
本人同毒品之老闆講，若再沒有人把此貨運走，我將會沖曬落廁所。但我唔想再把毒品留在家中，並找了此案之同案把此毒品從我家中送走。本人深感後悔，為了賺取少少快錢，而換來這次的後果。
呢度同喺外面真係好唔同。
再過多一個月，本人已在大欖女懲教所還柙了兩年。呢兩年本人之父親一次都沒有來探望我。而半年前，從家姐口中得知爸爸雙腳出現問題，不能走動，並做了18萬 (港元) 手術費。過往喺我未入嚟之前，我每星期都有返屋企同我爸爸，媽媽食飯。宜家我從家人口中得知我爸爸復原情況只有七成，日常走路都需要用拐杖。
本人在大欖見過三次心理組，因為在這裏還柙嘅人，大部份都有自己嘅問題和情緒，以及煩惱的事情，以及不能在這隨便跟別人訴說自己的問題。每當我真的對人傾訴有關家人時，常會忍不住流淚，眼濕濕。由我3月22日入大欖，剛好那段時間是疫情。每次都需要鎖倉隔離七至14日。我四月中出期數大欖兩個月，被這裏的姑娘揀選咗喺度幫忙做嘢，不知不覺我在這裏工作已多過年半。每日我總把自己忙到沒有空餘時間令自己胡思亂想。
起初我叫家人幫我入錢購買一個收音機，但這個收音機我擱置了很久，因為每當聽到自己喜愛的歌曲，就會懷緬很多過去，一聽到就會在半夜時靜悄悄地哭。我很害怕掛念一個人嘅感覺，因為真係好難受。
而呢度同喺外面真係好唔同，本人在這裏報讀了四個中大課程（香港中文大學專業進修），當我讀其中一科心理治療輔導學，我真係有好多唔理解。以往有咩唔識，可以上網查，去搵更多嘅資料。起初想查嘅資料，查唔到，個人成日都會好炆憎，心情唔好，從而會激發好多情緒，同自己嘅內心小劇場，因為覺得好無助，好不安。
現在間中我有一名男性朋友都會間中嚟探我，因為在上年他每日都探，但我經常對他大吵大罵。他以為我會好快出到去，但我對他只是朋友，唔想佢嘥時間等我。
平時只有一個朋友會間中嚟探我，但每次我叫佢幫我搵嘅嘢，都要視乎佢心情想唔想幫我做。而我媽媽要照顧我爸爸都已經好忙，好辛苦。本人有老花，而呢度只可以入膠框嘅眼鏡。我帶開嗰副度數唔啱，我朋友由上年七月話幫我買，到答應我話新年前會俾我，可惜宜家新年已經過去，我都仲未收到。因為一副唔啱度數嘅眼鏡，令我覺得睇字好頭痛。
我好鍾意小朋友同貓，一見到電視啲好得意嘅小朋友同貓都會回憶到好多喺出面嘅往事。若果我冇犯事入嚟，我可以喺外面做好多自己想做嘅事。
