給南非同胞和世界的告誡
我今年36歲，係單親媽媽，獨力撫養4個孩子，要給他們溫飽絕不容易。由於我中學都未畢業，只能找到兼職做家庭僱工，也會做啲小生意，如買賣二手衫和護髮用品，我的夢想就是為仔女提供良好嘅教育。
生活愈來愈艱難，2013年當老三入學時，我告上家事法庭，向前夫追討贍養費，佢俾咗幾個月就唔見人，兩個月後我向法庭投訴，法庭出傳票俾佢，佢失埋蹤，法庭於是出拘捕令拉佢。
2015年我再到法庭詢問單野搞成點，佢哋話我知搵佢唔到，我感到被受忽視，因為佢哋有齊佢所有資料，我甚至協助警方刮佢出嚟，仲報埋警，警察依然無嚟。
我—直做個好媽媽，只因無諗清楚，做咗個錯嘅決定，錯嘅選擇
身為人母，我必須承擔母職，竭盡所能照顧仔女，我愛佢哋，會出盡九牛二虎之力俾佢哋讀書，我一直都是個好媽媽，卻在絕望同壓力下無諗清楚，做咗個錯嘅決定，錯嘅選擇。
誤交損友
我開始同一個專搵快錢嘅女人行埋，我知佢哋做緊啲唔見得光嘅嘢，混熟後，我同佢哋訴苦，佢哋話會幫我。
當我仲心大心細嗰陣，同佢哋喺埋一齊時佢哋會猛咁氹我，話啲錢好易賺，仲送啲好有派頭嘅嘢同錢俾我，真係好多錢，仲好易搵，對每個女人嚟講簡直係夢寐以求，不過，我無咁好運！
我第一次「出差」就係去香港，我喺2015年10月喺機場俾人拉咗，對我就是世界末日，我打電話俾嗰啲氹我運毒嘅人，佢哋啲電話全部飛哂去留言信箱。
我同一個朋友離開咗我嘅家人同我至愛嘅仔女，佢哋係我嘅快樂根源，亦係我掙扎求存嘅原因，我希望唔駛幾耐就可以回家，佢哋話我嘅「差事」只需5天。
到達香港國際機場時，我俾海關截住問話同搜身，佢哋搜到我身上啲毒品，於是攞走我部電話同身上啲錢。
生命中暗黑嘅日子
佢哋送我到差館，準備第二日上庭，法官下令扣押我3個月，不准保釋。到達收柙所時，我以為這只是一場噩夢，卻是活生生的場景。嗰度只得我一個黑人，更弊嘅係嗰度啲人唔識講英文，有啲人甚至從未見過黑人。是歧視吧，無人想接近我，以為我黑掹掹，一定好污糟。
第二日，我搵福利官幫我打電話俾南非領事館，希望佢哋俾啲日用品我，幾日之後，領事館有人嚟探我，嗰次係我喺香港第一次見到黑人，可以同佢溝通，我好開心，唔想俾佢走，佢話南非政府無提供日用品嘅服務，只可以幫我聯絡家人，話俾佢哋聽我坐緊監。
我被扣押已經接近一年，無人探監，只可以每兩個月打一次電話，每次10分鐘，仲要自費，無錢無得打。
毒品被檢定，扣除雜質後證實重460克（原本1000克），2016年6月，我被判監7年零4個月。
我失去一切，只因絕望同心存僥倖想搵快錢，最痛苦嘅係見唔到啲仔女，我𠵱家已經坐咗接近5年，見唔到家人，連同佢哋約時間傾計都難。
我寫出我嘅經歷，係因為我知道仲有南非人帶毒品嚟香港，千祈唔好販毒呀！無論你哋有幾困難，總有搵錢嘅正確方法，搵多搵少都好過販毒。
以上所述的是一個在香港的南非囚犯的真實故事。